Status : Verified
| Personal Name | Glenn Gonzales |
|---|---|
| Resource Title | Paglapat sa Panibagong Lupa |
| Date Issued | 13 June 2024 |
| Abstract | Ang watercolor ay isang midyum sa pagpipinta na kalimitang ginagamit bilang pangkulay sa mga surfaces tulad ng tela at papel na may natatanging katangian na sumipsip ng tubig. Sa pamamagitan nito, nagiging posible ang iba’t ibang teknik tulad ng paghahalo, pagpapatong ng kulay, at pagdadagdag ng tekstura na nagreresulta sa iba’t ibang anyo at epekto. Layon ng tesis na ito na maksimahin ang potensyal ng watercolor sa mga hindi pangkaraniwang paraan, partikular sa paglalapat nito sa semento na may sukat ng isang miyural. Sa proseso ng paglikha, gumamit ako ng watercolor ground upang pakapitin ang kulay sa semento, at fixative upang tiyakin na hindi ito agarang mabubura o kukupas. Kakabit ng materyal na paggalugad na ito ang pagtalakay sa tema ng migrasyon na nagbibigay naratibo sa pamumuhay at paglipat ng tao mula sa isang espasyo patungo sa panibagong espasyo. Partikular na inilarawan ang pagkakaiba, pagkakapareho, at pagtutugma ng kalagayan ng lupa at mamamayan sa kalunsuran at kanayunan. Lumabas sa pag-aaral na mayroong kakaibang reaksyon ang watercolor sa semento. Mabilis na sinipsip ng semento ang watercolor sa kabila ng makinis na tekstura nito. Dahil dito, naging posible ang paggamit ng teknik na wet-on-dry at dry-on-dry sa pagpapahid at paghahalo ng mga kulay nang hindi nawawala ang ninanais na tingkad. Mula dito, napatunayan ang potensyal sa paggamit ng watercolor sa kakaibang surface bilang makabago at kakaibang paraan ng pagpipinta na kahalintulad kung paano umaangkop ang mga tao sa konteksto ng migrasyon. |
| Degree Course | Bachelor of Fine Arts, Studio Arts (Painting) |
| Language | Filipino |
| Keyword | Migrasyon, Watercolor, Semento, Miyural, Artista at Manggagawa. |
| Material Type | Thesis/Dissertation |
Preliminary Pages
552.81 Kb
Category : F - Regular work, i.e., it has no patentable invention or creation, the author does not wish for personal publication, there is no confidential information.
Access Permission : Open Access